Членови на Зелен Хуман Град

Драгана Велковска повеќе од една деценија е волонтерка за заштита на животната средина, заштита на животните и е меѓу основачите на повеќе граѓански организации и иницијативи кои делуваат во овие области, како што се Охрид ЅОЅ и Е.Д.Е.Н. Принципите на социократија и правда се водечки во нејзиното работење. Се залага за здрава животна средина, одржлив развој, се бори против загадувањето и е активна на повеќе фронтови. Верува дека праведната транзиција е можна само со делотворна и рамноправна вклученост во одлучувањето на сите засегнати страни.

Драгана верува дека граѓаните треба да го имаат главниот збор во носењето одлуки на локално ниво, поради што се залага и за објективно информирање.

Горјан, познат како креаторот на апликацијата МојВоздух, е долгогодишен социјален и еко активист. Со помош на технолигијата, тој воведува општествени проблеми и придонесува кон до граѓанската активност во владеењето на локално ниво. Покрај МојВоздух, тој ги има направено платформите Волонтирај.мк, Рециклирам.мк, МојМиленик, како и новата платформа МојГрад за граѓанско владеење.

Професор по политички науки на Американ Колеџ. магистрирал на програмата Еразмус Мундус медиуми и глобализација на универзитетот од Амстердам, докторирал во Милано на тема ефекти од покривањето на мигрантската криза на политичките ставови бо Македонија. Поранешен новинар и основач на климатското движење Петоци за иднината.

Планинарка и ликовна уметница, м-р по Јазици, Бизнис и Меѓународна Трговија. Делува во подигнување на еколошката свест и зајакнување на младите преку образовни и спортски настани. Еден од оснивачите на здружението ТАКТ и поддржувач на иницијативата Охрид SOS. Се залага за родова еднаквост во спортот и е автор на документарниот проект „This is Herstory“.

Дипломиран правник со долгогодишно работно искуство во заштита на принципот на еднаквост преку работа на превенција и спречување на дискриминација и дел од “направи сам” музичкиот лејбл Deny Records. Во моментов работи како член во Комисијата за спречување и заштита од дискриминција.

Дипломиран преведувач, со повеќегодишно искуство во граѓанскиот сектор на тема човекови права и заштита на природата, заокружено со здружението ЕдуАктив Орг. Во својот независен уметнички проект Dream Dungeon, ги канализира принципите во кои верува, преку пишување, музика и визуелна уметност, со фокус на природните материјали и позитивните примери. Верува дека со знаењата, методите и технологиите на иднината би можеле да направиме коренити промени за доброто на сите живи битија и целокупната природа.

Лазар е универзитетски професор и консултант за организациски развој. Главна пасија му е лидерството и личниот развој. Секојдневно помага во тоа луѓето да се инспирираат и развиваат, искористувајќи го својот неограничен потенцијал.

Доктор на медицина-специјалист педијатар, се залага за правата на децата за здрав живот и здрава животна средина. На работното место но и вон него, активно се грижи за детскиот живот и детското здравје. Долгогодишен активен борец и член на иницијативите за чист воздух, вода и почва, односно за заштита на животната средина. Активен надворешен соработник на Првата детска амбасада „Меѓаши“, активен борец и член на групите за заштита на бездомните животни. Во повеќе наврати е учесник на разни дискусии и трибини од областа на социјалниот живот, залагајќи се за еднаквост и рамноправност на сите членови на општествената заедница. Таа е меѓу првите кои го кренаа гласот во државата за борбата против меѓуврсничкото насилство.

Џендер специјалистка, професорка по родови науки, претседателка во Една може! препознатлива по непокорот во однос на обесправувањето на самохраните мајки и нивните дечиња и главна „трабелшутерка“ во разрешување на дискриминацијата во еднородителските семејства.