Музеј на наука (Science Centre)

Проблем:

Во Македонија не постои музеј или центар посветен на науката и технологијата, каде што деца, ученици, студенти и и возрасни би се запознале со научни и технички концепти и би дознале повеќе за научно-технолошкиот развој на технологиите кои ги користиме денес, на популарен и забавен начин.

Решение:

Формирање на институција која ќе прибира, документира, обработува и промовира артефакти поврзани со различни научни дисциплини и технички области и која ќе понуди практични презентации и демонстрации на разни научни концепти погодни за различни возрасни групи, ученици, млади, но и за целото семејство. Постојат вакви примери во соседството и регионот, треба само да се најде соодветен модел и да се прилагоди некој од постоечките запуштени објекти во градот, кој ќе се пренамени во научен центар или музеј на наука.

Резултат:

Формиран и активен единствен музеј на наука и технологија (Science Centre) кој ќе биде поддршка на сите образовни институции во Македонија, но и нов центар за сите жители и посетители на Скопје од Македонија и од странство. Во него ќе се учи и осознава научно-технолошкиот развој на различни иновации и технологии кои постојат околу нас на креативен, иновативен и забавен начин.

Дополнителни линкови:

• https://www.muzejnt.rs/
• https://www.noesis.edu.gr/en/
• https://www.technorama.ch/en/home